Wararka waxaa
intaa soo gala erayo iyo fikrado aqoon u baahan. Sida keliya ee weriyuhu uu
wararkaa u soo gudbin karaana waa in uu yaqaanna waxa loola jeedo erayada warka
soo galay.
Tusaale, waa maxay macnaha federaal? Maxaa loola jeedaa
doorasho guud?
Booqasho rasmi ahi Maxay uga duwan tahay Booqasho heer
Qaran?
Maxay kala
yihiin Bangiga Ganacsiga, Bangiga Dhexe, Bangiga Horumarinta, Bangiga
Islaamiga?
Misaaniyad waa
maxay? Hoos u dhac dhaqaale muxuu yahay?
Waxaad
arkeysaa weriye isticmaalaya ereyga Qowmiyad, isga oo markaa ka hadlaya qabiil.
Maxay kala yihiin Qowmiyad iyo Qabiil?
Xagga
Qaanuunka; maxay kala yihiin Xeer, Qaanuun iyo Sharci?
Maxaa u
dhexeeya Axdi-Qarameed iyo Dastuur?
Sida keliya ee
aad ereyga saxda ah u isticmaali karto waa in aad taqaan macnaha dhabta ah ee
ereyga iyo aqoon ahaanba waxa uu u taagan yahay.
Taa waxaad ku
gaari kartaa barasho iyo akhris aan joogsan.
Waxaa kale oo
aad u baahan tahay in marka aadan hubin aad heli kartid dad mawduucaas aqoon u
leh oo kuu fasira macnaha ereyga ama kuu sheega erey kaa maqnaa oo ah kan ugu
habboon.
Isha qormadan: BBCsomali
Comments
Post a Comment